Veðurlagsvirðisløn Føroya Lærarafelags

Virðislønin verður latin til einum skúla, ið hevur skarað framúr í arbeiðinum at geva børnum og ungum áhuga fyri og innlit í veðurlagsbroytingar og loysnir á veðurlagsavbjóðingum.

Tín skúli kann eisini søkja.

Ungdómurin gongur á odda fyri broytingum kring heimin. Lærarafelagið vil, at føroyski skúlin eisini eggjar børnum og ungum at arbeiða við veðurlags- og umhvørvisavbjóðingum. So at børn og ung fáa øktan áhuga í at finna loysnir á veðurlagsavbjóðingunum.

Hvør kann søkja?

Allir fólkaskúlar og frískúlar, sum hava virkað fyri burðardygd og arbeitt við veðurlagsavbjóðingum, kunnu søkja um Veðurlagsvirðisløn Føroya Lærarafelags. Tað kann vera allur skúlin, ein deild, ein flokkur ella ein bólkur, ið hevur arbeitt við evninum.

Virðislønin verður handað á aðalfundi Føroya Lærarafelags.

Virðislønin

Vinnarin fær eitt heiðursbræv og har afturat 25.000 krónur. Peningurin skal í mestan mun fara til at arbeiða víðari við burðardyggum loysnum á veðurlagsavbjóðingum.

Krøv til umsøkjarar

Virðislønin verður latin skúla, ið hevur lokið minst eitt av hesum krøvum:

• Skarað framúr í arbeiðinum við útbúgving í burðardyggari menning.
• Verið virkin í arbeiði at økja tilvitanina um, hvussu veðurlagsavbjóðingar kunnu loysast. Eitt nú við
• staðbundnum loysnum innan orkunýtslu, burturkast, nýtslu, keyp og flutning.
• Fingið burðardygga menning við í arbeiðið ella undirvísingina á skúlanum.