Sáttmálar og semjur

Avtala millum Fíggjarmálaráðið

og

Føroya Lærarafelag

um

hvussu lærarastørv verða flokkað og lønt

 

§ 1. Lønin er ásett í galdandi lønartalvum.


§ 2. Lærarar. Útoyggjalærarar við setanarbroti millum 0,52 og 0,85:

18-1
18-4
20-3
21-4
23-4
29-1
29-2


§ 3. Einalærarar. Útoyggjalærarar við setanarbroti hægri enn 0,85:

27-1
28-1
29-1
29-2
31-2
 

§ 4. Fyrstulærarar

næmingar flokking  
0-39          31-3
40-69        33-1
70-99        34-1
100-          35-1  

 

§ 5. Deildarleiðarar

Í skúla, har undirvíst verður á ymiskum deildum, sum eru langt frá hvør aðrari, og har meir enn ein deild hevur ávísa stødd, kann deildarleiðarastarv verða skipað.

Stk. 2. Deildarleiðarastørv verða flokkað soleiðis:

Trongisvágur  33-1
Runavík 34-1


Stk. 3. Verður nýtt deildarleiðarastarv skipað, sum ikki higartil er flokkað, verður flokkingin ásett í samráð við felagið.
 

§ 6. Varaskúlastjórar
Varaskúlastjórastarv verður skipað í øllum skúlum, sum hava fleiri enn 300 næmingar.
Stk. 2. Varaskúlastjórastarv verður skipað í øllum teimum skúlum, sum hava framhaldsdeild (8. – 10. flokk), sama ger, hvussu nógvir næmingar eru.
 

Stk. 3. Varaskúlastjórastørv verða flokkað soleiðis:

Næmingar Flokking
0-149         31-3
150-249     33-1
250-399     34-1
400-550     35-1
551-849     36-1

Stk. 4 Varaskúlastjórar á størstu skúlnum (ein í hvørjum)

Næmingar   Flokking
700-849        37-1


§ 7. Skúlastjórar
Skúlastjórastørv verða skipað í øllum skúlum, ið hava fleiri enn 200 næmingar.

Stk. 2. Skúlastjórastarv verður skipað í øllum teimum skúlum, sum hava framhaldsdeild (8.–10. flokk), sama ger, hvussu nógvir næmingar eru.

Stk. 3. Skúlastjórastørv verða flokkað soleiðis:

Næmingar Flokking
0-249         35-1
250-399     36-1
400-499     37-1
500-599     38-1
600-699     39-1
700-899     40-1

 

§ 8. Tali- og hoyrilærarar

23-2
23-3
23-4
24-4
25-4
30-3
 

§ 9. Savnslærarar

30-3

 

§ 10. Serráðgevar, ritstjórar, ráðgevar í NÁM

30-1
30-2
30-3
32-2

 

§ 11. Leiðari í NSR – tænastu

35-1

 

§ 12. Undirvísingarleiðarar

35-1
Viðbót verður latin sambært galdandi lønartalvu


 

§ 13. Leiðarin í Skúlanum á Trøðni

36-1

 

§ 14. Leiðarin á Rásini

33-1

 

§ 15. Flokkanargrundarlag
Verður næmingatalið brúkt sum flokkanargrundarlag, so eigur at verða roknað eftir næmingatalinum tann 1. september.

Stk. 2. Fer næmingatalið í einum skúla ella kommunu (skúlaøki) niður um ásetingarnar um starvsflokkanir sum varaskúlastjóri ella skúlastjóri, verður flokkanin broytt, tá ið størv verða leys.

 

§ 16. Annað starv
Lærari, ið verður settur í lægri lønarflokki enn í starvinum frammanundan, fær lønaraldurin í tí hægra starvinum við.

Lærari, ið verður settur í starv í hægri lønarflokki enn í starvinum frammanundan, verður løntur eftir nærmasta hægra lønarstigi í nýggja lønarflokkinum. (galdandi frá 1. mars 2001)
 

§ 17. Tímalønir
Lærari í starvi í fólkaskúlanum fær fyri leysar vikartímar eina samsýning sambært galdandi lønartalvu.

Stk.2. Lærari, sum er ikki í starvi í fólkaskúlanum, fær fyri leysar tímar eina samsýning, sum fyri hvønn tíman er árslønin í 29.2 býtt við 2080 býtt við 60 faldað við 85.

Stk. 3. Sergreinalærarar fáa fyri hvønn undirvísingartíma eina samsýning, sum er roknað sum árslønin í 23.2 býtt við 2080 býtt við 60 faldað við 85.

Stk. 4. Tey, sum hava ikki læraraútbúgving, fáa fyri hvønn undirvísingartíma eina samsýning, sum er 80% av árslønini í 18.1 býtt við 2080 býtt við 60 faldað við 85.
 

§ 18. Yvirtíðarløn
Tímar, sum fara útyvir ársnormin, verða at rokna og løna sum yvirtíð (er í forritinum hjá MMR nevnt tímajavni). Yvirtíðargjaldið verður vanliga býtt javnt yvir 12 mánaðir. Yvirtíðargjaldið verður roknað soleiðis:

Tímalønin verður roknað sum ársløn býtt við 2080.

Yvirtímalønin verður roknað sum tímaløn faldað við 1,39.

Yvirtíðargjaldið fyri árið verður roknað sum yvirtímaløn faldað við tímajavna.

Yvirtíðargjald um mánaðin er so ein tólvtapartur av hesum.


§ 19. Førleikaviðbót
Førleikaviðbót kann latast fyri eftirútbúgving. Hesar viðbøtir eru førleikaviðbøtur og eru knýttar at starvinum. Fyri at kunna fáa førleikaviðbót, skal útbúgvingin verða kravd og eftirútbúgvingin skal verða frá góðkendum útbúgvingarstað. Sjálvt um lærari hevur tikið meira enn eina eftirútbúgving, so verður bara ein viðbót latin. Er starvið parttíðarstarv, verður viðbótin samsvarandi setanarbrøkinum.
Eftirútbúgving 120 tímar: 750,- kr.
Eftirútbúgving 160 tímar: 1.000,- kr.
Eftirútbúgving 200 tímar: 1.250,- kr.

 

§ 20. Viðbót til leiðara í førleikastovu
Leiðari í førleikastovuni fær eina mánaðarliga samsýning. Samsýningin er grundað á støddina á førleikastovuni og um førleikastovan røkir uppgávur í fleiri sjálvstøðugum skúlum.

  1. Stig: Omanfyri 2.000 klokkutímar til førleikastovu. Mánaðarlig viðbót 6% av mánaðarlønini í 29.2
  2. Stig: 1.500 - 2.000 klokkutímar til førleikastovu/uppgávur í øðrum skúlum. Mánaðarlig viðbót 4,5% av mánaðarlønini í 29.2
  3. Stig: 1.000-1.500 klokkutímar til førleikastovu. Mánaðarlig viðbót 2,50% av mánaðarlønini í 29.2
  4. Stig: Undir 1.000 klokkutímar til førleikastovu. Mánaðarlig viðbót 1,25% av mánaðarlønini í 29.2

Upphæddin verður útgoldin í 1/12.
(Galdandi frá 1. august 2020)

 

§ 21. Skúlastýri
Starvsfólkaumboðið og skúlaleiðarin (skrivarin) fáa fundarpening eftir almennum reglum.

 

§ 22. Tænastuørindi
Lærarar fáa ferðaendurgjald fyri tænastuørindi, t.d. próvtøku, skeið og fundir sambært almennu reglunum

 

§ 23. Gildiskoma og uppsøgn
Avtalan er í gildi frá 1. oktober 2019, um einki annað er nevnt frammanfyri. Avtalan kann verða søgd upp við 3 mánaða freist, tó í fyrsta lagi til at fara úr gildi til 1. oktober í 2022.


Tórshavn tann 24. juni í 2020

 

Føroya Lærarafelag            Fíggjarmálaráðið

 


Samband

Lærarafelagið

Pedda við Stein gøtu 9

100 Tórshavn

Tel. 61 68 63

Fax. 31 96 44

Teldupostur:lararaf@lararafelag.fo


2015 © Bókadeildin. All rights reserved.

Sendistovan