13.06.2021
Stuðulsyvirlýsing
Føroya Lærarafelag lýsir við hesum sín stuðul til Føroya Pedagogfelag í teirra stríði fyri at vinna limum sínum betri sømdir.Felagið vil heita á Fíggjarmálaráðið at seta seg aftur við samráðingarborðið, tí tað er har, ið loysnin eigur at finnast.
Føroya Lærarafelag noktar limum sínum at taka upp verkfalsrakt arbeiði.
Limir, ið starvast á vekfalsraktum økjum, skulu:
* gera sama arbeiðið undir verkfallinum, ið tey gjørdu undan verkfallinum
* møta upp til tær tíðir, sum galdandi skema ásetir
* ikki átaka sær nýggjar uppgávur, fleiri uppgávur ella umlagdar uppgávur
Um tað eru ivamál, vendi tykkum til felagið.
