Í blaðnum hesa ferð:

Í blaðnum hesa ferð eru greinir og lýsingar av 10. flokki. Eitt nú er samrøða við Dánjal Danielsen, flokslærara í Valskúlanum á Skúlatrøð, og Joan Samuelsen, varaskúlastjóra á Nám X, sum er størsti 10. flokkurin í Føroyum. Eyðna Magnussen, skúlastjóri í Eysturskúlanum, hevur eisini umrøðu av endamálinum við Nám X. Harumframt er samrøða við Jacob Eli S. Olsen, formann í Føroya Lærarafelag, og Marjus Thomassen, ráðgeva í Vinnuhúsinum, um henda síðsta árgangin í fólkaskúlanum, sum stendur á gáttini at fara undir útbúgving og á arbeiðsmarknaðin.

Hanna Vang, løgtingsins umboðsmaður, greiðir frá í samrøðu um barnarættindi í barnahædd, og Gunvá Magnussen, ritstjóri, Tóra Petersen, trivnaðarráðgevi, og Pálin Olsen, lærari og lesivegleiðari, greiða frá nýggjum tilfari, sum Nám hevur evnað, ið hevur til endamáls at styrkja um styrkirnar. Eisini er samrøða við Annu Thomsen, orkuráðgeva, um týdningin av góðari inniluft í skúlanum. Eitt sindur av hvørjum er í nýggja Skúlablaðnum, sum júst er komið.