Torfinn Højgaard í nevndina hjá Lærarafelagnum
Nú Magnus Tausen er farin úr nevndini hjá Lærarafelagnum, er tiltakslimur komin inn.
Á eykaaðalfundinum hjá Føroya Lærarafelag, sum verður 11. september, verður umframt formansval eisini val av tveimum tiltakslimum. Verandi tiltakslimir eru Andrea á Rýpuni og Torfinn Højgaard; av tí at Andrea á Rýpuni júst hevur tikið við sum skúlastjóri, ber hon seg undan at koma í nevndina, nú Magnus Tausen er farin úr; Torfinn Højgaard er tískil komin í nevndina.
Torfinn Højgaard hevur sitið í nevndini í Føroya Lærarafelag áður, seinast til fyri tveimum árum síðan.
